Una pace senza morte

Io vulesse truva' pace; ma na pace senza morte. Una, 'mmiez'a tanta porte, s'arapesse pe' campa'! S'arapesse na matina, na matin' 'e primmavera, arrivasse fin' 'a sera senza di': "nzerrate lla"! Senza sentere cchiu' 'a ggente ca te dice: "io faccio… io dico", senza sentere l'amico ca te vene a cunziglia' Senza sentere 'a famiglia ca te dice: "Ma ch'he fatto?" senza scennere cchiu' a patto cu' 'a cuscienza e 'a dignita'. Senza leggere 'o giurnale 'a nutizia 'mprussiunante, ch'e' nu guaio pe' tutte quante e nun tiene che ce fa. Senza sentere 'o duttore ca te spiega 'a malatia 'a ricetta in farmacia l'onorario ch'he 'a pava' Senza sentere stu core ca te parla 'e Cuncettina Rita, Brigida, Nannina… chesta sì… chell'ata no. Pecche' insomma si vuo' pace e nun sentere cchiu' niente 'e 'a spera' ca sulamente ven' 'a morte a te piglia'? Io vulesse truva' pace ma 'na pace senza morte. Una, 'mmiez' a tanta porte s'arapesse pe' campa' S'arapesse 'na matina 'na matina 'e primmavera e arrivasse fin'a sera senza di' "nzerrate la'!"	Io vorrei trovare pace ma una pace senza morte una in mezzo a tante porte si aprirebbe per vivere! Si aprirebbe una mattina una mattina di primavera per arrivare fino a sera senza dire: "Chiudete là!" Senza ascoltare più la gente che ti dice: "Io faccio, io dico", senza ascoltare l'amico che pretende di dare consigli Senza ascoltare la famiglia che ti dice: "Ma che hai fatto?" senza scendere più a patti con la coscienza e la dignità Senza leggere sul giornale la notizia impressionante che è un guaio per tutti e non sai come evitarlo. Senza ascoltare il dottore che ti spiega la malattia la ricetta in farmacia l'onorario da pagare. Senza ascoltare il cuore che ti parla di Concettina Rita, Brigida, Nannina… questa sì… quell'altra no. Perché insomma se vuoi pace e non sentire più nulla devi sperare soltanto che venga la morte a prenderti? Io vorrei trovare pace ma una pace senza morte una in mezzo a tante porte si aprirebbe per vivere! Si aprirebbe una mattina una mattina di primavera per arrivare fino alla sera senza dire: "Chiudete là!'"
Eduardo De Filippo - Le poesie